Бұл туралы Алматы Өңірлік коммуникациялар қызметінің брифингінде қалалық санитарлық-эпидемиологиялық бақылау департаменті басшысының орынбасары Әсел Қалықова мәлімдеді. Ол Алматыда дерттің тұрақты төмендегенін атап өтті, деп хабарлайды Аlmaty-akshamy.kz
«Алматы, Қазақстанның басқа өңірлері сияқты, эпидемиологиялық ахуалды бағалау матрицасының «жасыл» аймағында орналасқан. Жұқтыру жағдайларының тәуліктік тіркелуі төмендеді. Өткен тәулікте КВИ-дің 15 жағдайы тіркелді, бірақ бұл демалуға және карантиндік шараларды елемеуге себеп болмайды. Барлығын жабық бөлмелерде маска режимін сақтауға шақырамын, себебі бұл талап міндетті болып қала береді», - деді Ә. Қалықова.
Спикер атап өткендей, сырқаттанушылық көрсеткішінің төмендеуі қаладағы қолданыстағы шектеулерді, соның ішінде Ashyq жобасы бойынша шектеулерді жеңілдетуге мүмкіндік берді.
Әсел Қалықова қала тұрғындары үшін КВИ-ден вакцинациялау және қайта вакцинациялау әлі де маңызды екенін атап өтті. Иммундық қабатқа кемінде 75-85% жету керек.
«Бүгінде вакциналық профилактика жұқпалы және паразиттік ауруларға, соның ішінде коронавирусқа қарсы негізгі қорғаныс шарасы болып табылады», - деп атап өтті СЭБД басшысының орынбасары.
Эпидемиолог ревакциналануды кешіктірмеу, маска режимін сақтау, дезинфекцияны жүргізу және әлеуметтік қашықтықты сақтау маңызды екенін атап өтті.