2024 жылдың 25 қазаны күні таңертең Алматыда Абай даңғылы мен Әуезов көшесінің қиылысында Hyundai көлігі мен мопедтің соқтығысуы орын алды, деп хабарлайды aqshamnews.kz
Соқтығыстан кейін көлік инерциямен қозғалып, жарнама тақтасының бағанына соғылған. Жол-көлік оқиғасы салдарынан мопед жүргізушісі дене жарақатын алды. Апат фактісін тергеу Бостандық ауданы Полиция басқармасының қызметкерлеріне жүктелді. Кімнің жол ережесін бұзғанын тергеу барысында анықтайды, деп хабарлады Алматы қаласы Полиция департаментінің баспасөз қызметі.
Естерңізге сала кетсек бұған дейін "Жыл басынан бері 31 894 мопед жүргізушісі жауапкершілікке тартылғанын" жазған едік.