Ғылым қызметкерлері күнінің қарсаңында Алматыда экологиялық акция өтіп, Ұлттық ғылым академиясының аумағында «Ғылым аллеясы» ашылды, – деп хабарлайды aqshamnews.kz тілшісі.
Іс-шара ішкі саясат басқармасына қарасты Қоғамдық даму орталығы мен Ғылым академиясының мұрындық болуымен өтті. Акцияның негізгі мақсаты — экологиялық мәдениетті қалыптастырып, қоршаған ортаға жауапты болуға үндеп, ғылыми қауымдастық пен қоғам арасындағы байланысты нығайту.
Акция аясында Академия аумағында ландшафт дизайнерінің ұсынысымен туя көшеті егілді. Ағаш егу рәсімі экологиялық сананы дамытып, табиғатқа ұқыпты қарауды насихаттауға бағытталған танымдық дәріспен қатар өтті.
Іс-шараға ғалымдар, сарапшылар, қоғамдық ұйым өкілдері мен еріктілер мен Алматы қаласы әкімінің орынбасары Абзал Нүкеновтің өзі де келіп қатысты. Ол жиналған қауымды алдағы келе жатқан кәсіби мерекесімен құттықтап, ғылымның қоғам дамуына үлкен қосатынын ерекше атап өтті.
Қоғамдық даму орталығының басшысы Ләззат Әкілжанова мұндай бастаманың маңызды екенін айтып, былай деді:
«Ғылым аллеясы — бұл аумақты көгалдандыру ғана емес. Бұл — қаланың экологиялық болашағына қосылған үлес, қоршаған ортаға саналы көзқарас қалыптастыру жолындағы маңызды қадам. Біз осындай практикалық әрі символдық жобалар арқылы ғылым мен қоғамды біріктіруге ұмтыламыз».
«Ғылым аллеясы» экологиялық бастамасы Академия аумағын көркейтіп қана қоймай, білім, жауапкершілік пен табиғат үйлесім табатын қаланың жарқын болашағының символына айналды.