Алматыда жылу желілері жөнделгеннен кейін жол төсемін қалпына келтіру үшін Есқараев көшесінде жол уақытша жабылады, деп хабарлайды aqshamnews.kz.
2024 жылы 5 қыркүйек сағат 8:00-ден 9 қыркүйек 6:00-ге дейін Алматының Бостандық ауданындағы көлік қозғалысы Есқараев көшесінде Е.Серкебаев даңғылынан Розыбакиев көшесіне дейін жабылады.
Қозғалыс екі жаққа да шектеледі.
Жылумен жабдықтау желілеріндегі жөндеу жұмыстарынан кейін жолдың асфальтбетон төсемін қалпына келтіру үшін уақытша шектеу енгізіледі.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS пен «Яндекс карталар» сервистерінде жазылған.
Уақытша қолайсыздыққа түсіністікпен қарауды және көрсетілген аумақты айналып өту жолдарын алдын ала қарастыруды сұраймыз.
«Алматы жылу желілері» ЖШС