Алматыда ЖРВИ мен тұмау бойынша эпидемологиялық жағдай тұрақты. Өткен аптада қала аумағында ЖРВИ – ның 9890 жағдайы тіркелді, бұл өткен аптаның көрсеткіші деңгейінде және өткен жылдың ұқсас кезеңінің көрсеткішінен 9,8% - ға төмен. Бұл туралы ӨКҚ алаңында Алматы қаласы Санитарлық-эпидемиологиялық бақылау департаменті басшысының орынбасары Әсел Қалықова кеңірек айтып берді, деп хабарлайды aqshamnews.kz
Ә.Қалықованың келтірген деректеріне сай, қалада маусым басталғаннан бері тұмаудың А/H3N2 типті вирусы таралған, тұмаумен сырқаттанушылықтың барлығы 232 жағдайы тіркелді.
«Ағымдағы жылдың 7 айында ЖРВИ-нің 447 062 жағдайы тіркелді, сырқаттанушылық көрсеткіші 19 500,83 құрады, бұл өткен жылдың сәйкес кезеңімен салыстырғанда 8,8% - ға жоғары. Сырқаттанып қалғандардың 61,7%-ын балалар құрап отыр», - деп бөлісті ол.
Эпидемияға дейінгі маусымның басынан бастап науқастардан алынған 348 материал тұмауға тән емес инфекцияларға зерттелді, оның ішінде 115 ПТР әдісі арқылы тексерілді: 57 сынамадан риновирус, 11 сынамадан парагрипп, 22 сынамадан РС, 5- сынамадан метапневмовирус, 5 сынамадан бокавирус, 6 сынамадан -аденовирус, 9 сынамадан маусымдық коронавирус анықталды.
Сондай-ақ, Сovid-19-ға науқастардан 290 сынама алынып зерттелді, оның ішінде 58-і оң нәтиже көрсетті.
«Тәуекел тобындағы» адамдарды вакцинациялау үшін 210 000 доза мөлшерінде үш валентті тұмауға қарсы «Гриппол Плюс» вакцинасы сатып алынды. Тұмауға қарсы вакцинация қыркүйек айынан басталып, қараша айының аяғына дейін жалғасады.
«2023 жылы жергілікті бюджет қаражатынан «тәуекел тобындағы» адамдарды вакцинациялау үшін 250 000 доза мөлшерінде Ресейде өндірілген тұмауға қарсы «Гриппол Плюс» үш валентті вакцина сатып алынды. Жалпы Алматы қаласы бойынша тұмауға қарсы 257 495 адам егілді, бұл қаланың жалпы халқының 11,5% - құрады, оның ішінде 250 000-ы «тәуекел тобындағы» адамдар», - деп толықтырды Ә.Қалықова.
Сонымен қатар, жаңа эпидемиологиялық маусымға дайындық барысында қаланың медициналық мекемелерінде үйде қызмет көрсетуге арналған қосымша кереуеттер мен автокөліктер қарастырылған, сондай-ақ тұмауға қарсы препараттар мен медициналық маскалар қоры дайындалған.
Алматы қаласының Ұлттық сараптама орталығының филиалында тұмау вирустары мен басқа да ЖРВИ айналымына зертханалық мониторинг жүргізуге арналған тест жүйесі бар.