Алматыда 320 тоннадан астам химиялық затты сақтауда талаптар бұзылған
Алматыдағы қоймалардың бірінде қауіпсіздік ережелерін өрескел бұзған 320 тоннадан астам химиялық реактив сақталған, деп хабарлайды Аlmaty-akshamy.kz.
Алматылық полицейлердің қорында химиялық реагенттердің алуан түрі бар ЖШС-нің қоймаларын тексеруі кезінде техникалық талаптарға сәйкессіздік анықталды. Кәсіпорын қоймасында күзет дабылы орнатылмаған, терезелерде тор мен байланыс телефоны жоқ болып шықты.
Сонымен қатар ацетон, диэтил спирті, калий перманганаты, тұз қышқылы, күкірт қышқылы сияқты прекурсорлардың айналымы шектелді. Айналымға шектеу қойылған прекурсорлардың жалпы саны 322 тонна 4 килограмды құрады», - деді Алматы қалалық ПД Есірткі қылмысына қарсы күрес басқармасының бастығы, полиция подполковнигі Ерлан Әлмағамбетов.
Полиция өкілінің айтуынша, іс қозғалды, оның қорытындысы бойынша тиісті шешім қабылданатын болады Айта кетейік, Алматыда республикалық ауқымды «Дәрмек» жедел алдын алу іс-шарасының үшінші кезеңі аяқталды, оның аясында қаладағы дәріханалар, емханалар, медициналық мекемелер, биохимиялық препараттар айналымына қатысты ұйымдар тексеріледі.