Оның 15 600-і мемлекеттік бағдарламамен ашылған жұмыс болса, 17 мыңнан астамы - жеке кәсіпкерлік субектілердің ашқан жұмыс орындары.
Бұл туралы бүгін Алматы қаласы өңірлік коммуникациялар қызметінің алаңында өтіп жатқан баспасөз мәслихатында Алматы қаласы әлеуметтік әл-ауқат басқармасы басшысының орынбасары Данияр Әлкебайұлы мәлімдеді, деп хабарлайды Almaty-akshamy.kz
Алматыда әлеуметтік осал топтарды қорғау, халықты жұмыспен қамту мемлекеттің саясатымен үндес жүзеге асырылып келеді.
«2021 жылы «Еңбек» мемлекеттік бағдарламасы бойынша 13 мыңнан астам адамды жұмыспен қамтимыз деп жоспарлап отырмыз. 25 мың адам орталыққа жұмыс іздеп келген, оның ішінде 17300 адам жұмыспен қамтылған. Толығырақ айтар болсам, 7700 адам тұрақты, 8300 адам уақытша жұмыспен қамтылды. Өз бизнес идеяларын іске асырам деушілерге 200 АЕК көлемінде 1000 грант бөлінді, 493 адам осы грантты алып, жұмыстарын бастап кетті. Қалғаны жылдың соңына дейін тапсырылады», -деді әлеуметтік әл-ауқат Басқармасы басшысының орынбасары.
Данияр Әлкебайұлының айтуынша, жұмыссыздарған арналған қысқа мерзімді курстар да бар, оны оқып бітірген тұрғындар жұмыспен қамтылады.
2020 жылы басталған дағарысқа қарсы шараның бірі – Жұмыспен қамту жол картасы. Ол бойынша 259 адам жұмыспен қамтылды, әрі қарай да жалғасын табады. Басқа да мемлекеттік бағдарламалар бойынша жаңа жұмыс орындары ашылады. Бүгінгі таңда 32 мыңға жуығы ашылды, оның 15600 мемлекеттік бағдарламамен ашылған жұмыс болса, 17 мыңнан астамы жеке кәсіпкерлік субектілердің ашқан жұмыс орындары.