Алматылық құтқарушылар бір мезгілде екі өрт оқиғасымен күресті.
Бірінші оқиға Наурызбай ауданының Қалқаман шағын ауданында болған, деп хабарлайды Almaty-akshamy.kz.
Тұрғын үйдің жертөлесінде макулатура жанып кеткен.
Тұрғындар пәтерінен өз бетімен шыққан.
Алматылық құтқарушылар шақыртудан кейін жарты сағаттың ішінде тілсіз жауды сөндірді.
Екінші оқиға Жетісу ауданындағы жеке тұрғын үйде болды. Жалын 50 шаршы метр аумақты шарпыды.
Өрт салдарынан қаза тапқандар мен зардап шеккендер жоқ. Себебі анықталып жатыр.