Алматыда Бұқтырма көшесі мен Құлжа трактінің қиылысында жолайрығы эстакадасының жол бөлігінде шұңқырлар пайда болған.
Әлеуметтік желілерде қала тұрғындары жаңадан салынған нысанның жол жамылғысында ақаулардың қайдан пайда болғандығы жөнінде сауал қоя бастады. Алматы қалалық мобильділік басқармасы эстакада бойынша қозғалыс 2021 жылы ашылғанын, бірақ жолайрығы 2023 жылдың қазан айында пайдалануға берілгендіктен, нысан 2026 жылға дейін кепілдікте екенін мәлім етті, деп хабарлайды аlmaty-akshamy.kz.
«Алдын ала мәліметтер бойынша, асфальтбетон жабынының ақаулары гидрооқшаулағыш материалдың қабыршақтануы салдарынан пайда болды. Оның нақтылы себептерін анықтау үшін зақымданған учаске ашылады. «Bazis construction» ЖШС компаниясына кепілдік міндеттемелеріаясында өз қаражаты есебінен алдағы 10 күн ішінде қалпына келтіру жұмыстарын жүргізуге нұсқау берілді», - делінген хабарламада. Басқарма қозғалыс қауіпсіздігін қамтамасыз ету үшін қазіргі кезде ақаулы учаскеге уақытша жөндеу жүргізілгенін айтты.