Салтанатты іс-шараға Алматы қаласы Мәдениет басқармасының басшысы Ғани Майлыбаев қатысты. Шам жағу рәсіміне қатысушыларға қазақстандық эстрада жұлдыздары – Роза Рымбаева, Мәдина Сәдуақасова, Әли Оқапов, Мәди Рымбаев, «Жігіттер», «Кешью», «Ринго», «Шамис» топтары өнер көрсетті.
Сондай-ақ, қаланың қоғамдық кеңістігі, жаяу жүргіншілер көшелері: Панфилов, Жібек жолы, магистральдық көшелер: Сәтбаев көшесі, Төле би көшесі, Майлин көшесі, Назарбаев даңғылы, Әл-Фараби даңғылы, Абылай хан даңғылы және т.б. жарық композицияларының бірыңғай стилінде безендірілді.
Еске сала кетейік, жаңа жыл қарсаңында – 31 желтоқсанда «Астана» алаңында қазақстандық эстрада жұлдыздарының қатысуымен концерт өткізу жоспарланған.
Концерт соңы мерекелік отшашуға ұласады. Бұдан басқа, мегаполистің тұрғындары мен қонақтары үшін қаланың барлық аудандарын қамтитын жаңажылдық фестиваль ұйымдастырылады.
Фестиваль бағдарламасында халықтық караоке, би флешмобы, байқаулар, спектакльдер, эстрада жұлдыздарының қатысуымен жанды музыка, хаскимен фотосессиялар, шеберлік сыныптары мен көрмелер, қалалық мейрамханалар және кафелердің гастро-корнерлері (21–31 желтоқсан аралығында Абай және «Астана» алаңдары сағат 16.00- ден 21.00-ге дейін, 27–31 желтоқсан аралығында әр ауданның негізгі алаңдарында сағат 16.00-ден 21.00-ге дейін) болады және 25 желтоқсанда Аяз Аталар шеруі өтеді.