Қазір осы факт бойынша тексеру шаралары жүріп жатыр.
Алматыда балаларын алдына алып көлік жүргізіп келе жатқан әйел видеоға түсіп қалды, деп хабарлайды Аlmaty-akshamy.kz.
Алматы полиция департаментінің баспасөз қызметінің мәліметінше, видео Әл-Фараби даңғылы бойында түсірілген.
Бейнежазбада бір бала әйелдің алдында, екінші бала алдыңғы жолаушылар орындығында отырғаны көрінеді.
Алматы полициясы видеоға қатысты пікір білдірді.
«Қазір осы факт бойынша Алматы ПД жергілікті полиция қызметі тексеру шараларын жүргізіп жатыр. Құқықбұзушы міндетті түрде анықталып, заңға сәйкес жауапқа тартылады», - деп түсіндірді Алматы полиция департаментінің баспасөз қызметі өкілдері.