Алматы Өңірлік коммуникациялар қызметінің онлайн-брифингінде қалалық санитарлық-эпидемиологиялық бақылау департаменті басшысының орынбасары Әсел Қалықова мегаполистегі эпидемиологиялық ахуал тәулігіне 1900-2300 жағдай деңгейінде тұрақталғанын айтты, деп хабарлайды Аlmaty-akshamy.kz.
Спикер КВИ дертінің алдыңғы аптадағы 13 508 жағдайдан өткен аптада 14 213 жағдайға дейін өскенін атап өтті. Басқаша айтқанда, КВИ індетінің бесінші толқыны өткен аптада өсуін жалғастырды.
«Бірақ 27 қаңтардан бастап тұрақтану үрдісі тіркелді. Жалпы, Алматы тұрғындарына жауапкершілік танытқаны үшін алғыс айтқым келеді, өйткені бір апта ішінде қайта вакциналанғандардың саны 42 мың адамға немесе 36%-ға артты. Бұл халық арасында иммундық аралықты 56,8%-ға дейін арттыруға мүмкіндік берді (вакциналанғандардың 52,6%-ы + пандемия басталғаннан бері ауырғандардың 4,2%-ы), бұл дерттің тұрақтануына әсер етті. Осы қарқынды жалғастыра отырып, біз тезірек «қызыл» аймақтан шығып, бұрынғы өмір ағысына орала аламыз», - деді Ә. Қалықова.
Оның айтуынша, қаңтар айында дерттің өсуі алдыңғы аптадан бері 40%, ал жыл басынан бастап 18 есе өсті.
Оның үстіне, 20-39 жас аралығындағы науқастар саны біршама төмендеді - 40%-дан 35%-ға дейін. Осылардан соң 40-59 жастағы (26%), 60 жастан асқан (22%) адамдар жиі ауырады.
«Өткен аптада 14 жасқа дейінгі балалар арасында жұқтырудың айтарлықтай өсуі тіркелді - 5,4%-ға (1 463-тен 1 920-ға дейін) және жасөспірімдер – 1%-ға (388-ден 589-ға дейін), сондай-ақ 60 жастан асқан адамдар-3%-ға (2 530-дан 3 262-ге дейін). Бір жасқа дейінгі балалар арасында, керісінше, 450-ден 438 жағдайға дейін, сәл төмендегені байқалады, бірақ олардың үлесі барлық балалар арасында айтарлықтай – 22,8%», - деп атап өтті спикер.