Алматыда балалар дүкеніне ұрлыққа түскен күдікті ұсталды.
Ол бұл әрекетін ойын-сауық орталықтарында жүзеге асырған, деп хабарлайды Almaty-akshamy.kz Polisia.kz-ке сілтеме жасап.
«22 жастағы бойжеткен балалар киімін ұрлап жүрген күдікті ұсталды. Қазір ол тергеуде. Ықтимал эпизодтарды жоққа шығармаймыз. Ұрлық дерегі бойынша сотқа дейінгі тергеу амалдары жүргізілуде. Ұсталған азаматшаның қалада бұрын жасалған осыған ұқсас ұрлыққа қатысы бар-жоғын тексеру жалғасып жатыр», – деді Әуезов аудандық полиция басқармасының бастығы Ұлан Әбілқайыр.