Алматыда жолаушылар автобусының жүргізушісі жаяу жүргіншілер өткелінде қызды қағып кетті, деп хабарлайды aqshamnews.kz тілшісі.
Әлеуметтік желілерде көлік құралымен қызды қағып кету сәті түсірілген видео жарияланды. Жол апаты кеше, 9 желтоқсанда, күндіз болған.
Алматы Полиция департаменті оқиға болғанын растады.
"Сағат 10:54-те Алматы қаласының Алмалы ауданында батыс бағытта Төле би даңғылы бойымен келе жатқан автобус жүргізушісі Исаев көшесімен қиылысқан тұста 2007 жылы туған, белгіленген жаяу жүргіншілер өткелімен өтіп бара жатқан жаяу жүргіншіні қағып кеткен. Жәбірленуші ауруханаға жеткізілді", - делінген хабарламада.
Алматы қаласы Тергеу басқармасы жол апатына қатысты қылмыстық іс қозғады. Автобус жүргізушісі қамауға алынып, уақытша ұстау изоляторына қамалды.