Полиция департаменті мәліметінше, оқиға 2026 жылғы 20 сәуірде Бостандық ауданында болған, – деп хабарлайды aqshamnews.kz тілшісі.
Аталған дерек бойынша қылмыстық іс қозғалды.
"Алдын ала анықталғандай, ер адам мас күйде тепе-теңдігін жоғалтып, арыққа құлап кеткен. Алған дене жарақаттарының салдарынан ол оқиға орнында көз жұмған. Қазіргі уақытта қажетті тергеу әрекеттері жүргізілуде. Оқиғаның өзге де мән-жайлары тергеу барысында анықталатын болады", – деп түсіндірді ведомстводағылар.
Әлеуметтік желілерде тараған ақпаратқа қарағанда, қайғылы жағдай нөсер жауын кезінде болған.
"Алматыда қайғылы жағдай болды. Арықтан ер адамның мәйіті табылды: оны құбырға тартып кеткен. Арықтағы бітелуді ашу үшін шақыртумен келген коммуналдық қызметкерлер қоқыстың орнына адамның мәйітін анықтаған. Алдын ала мәлімет бойынша, ер адам мас күйінде болып, жауын кезінде арыққа құлап кеткен", – деп жазады HALYQSTAN.