Алматы әкімі Ерболат Досаев Орталық коммуникациялар қызметінде өткен брифингте журналистер сұрағына жауап бере отырып, арық желілерін ауқымды жаңғырту жұмыстары туралы айтты, деп хабарлайды aqshamnews.kz
"2022 жылы біз аудит жүргізіп, тұрақты су басу қаупі бар 142 учаскені анықтадық. Соңғы екі жылда бұл учаскелерді толығымен жоюға қол жеткіздік. 125 км арық желілері салынды және жаңғыртылды. 2025 жылы тағы 180 км желіні жаңғырту жұмыстарын аяқтау жоспарлануда", – деді қала басшысы.
Ерболат Досаевтың айтуынша, атқарылған жұмыстардың арқасында 2025 жылға қарай Алматыдағы жаңғыртылған арық желілерінің үлесі 80%-ға жетеді.
Бұл жоба қалалық инфрақұрылымды жақсарту және су тасқынының алдын алу бойынша кешенді бағдарламаның бір бөлігі болып табылады және қала тұрғындарының қауіпсіздігі мен жайлылығын қамтамасыз етеді.