Сондай-ақ көрме ұйымдастырылды
Мемлекеттік орталық музейінде 1916 жылғы Торғай уезінде өткен «ұлт-азаттық» көтерілістің бас сардары, теңдік жолындағы күрескер батыр - Амангелді Имановтың туғанына 150 жыл толуына орай «Халықтың ұлы, хас батыры Амангелді» әдеби-сазды кеші өтті, деп хабарлайды Almaty-akshamy.kz.
Әдеби-сазды кештің құрметті қонақтары А.Имановтың жиен немересі Алтынбаева Сәуле Сәбитқызы, еңбек ардагері, қоғам қайраткері, Құрмет орденінің игері, ұлт жанашыры - Сарқытбаева Дәрия Әбіқұлқызы мен ақын, сазгер, журналист Аманғазы Кәріпжанәулетінің, П.Чайковский атындағы Алматы музыка колледжінің директордың орынбасары Рахымбаева Гүлнар Базарбайқызы сөз сөйледі.
Әдеби-сазды кеште Құрманғазы атындағы Қазақ ұлттық консерваториясы және П.Чайковский атындағы Алматы музыка колледжінің студенттері аталған іс шараның өтуіне ат салысып, өз өнерлерін көрсетті. Сонымен қатар, Қазақ ұлттық консерваториясының түлегі, күйші А.Имановтың жерлесі, арнайы Торғай өңірнен келген Ермек Қазмұхамбетов 1916 жылғы көтеріліске арналған «Июнь жарлығы» күйін орындап, кеш қонақтарын тамсандырды.
Кеш соңында келген қонақтар Орталық музейдің «Қазақстан тарихын зерттеу» бөлімі ұйымдастырған көрмені тамашалады. Көрмеде Торғай көтерілісінің жетекшілері мен оның қатысушыларының тарихи рөлін айғақтайтын фото-материалдар қойылды. Көрме тамашалаушылар А.Имановтың өмірімен таныс болып қана қоймай, жеке заттарымен де жақын танысты.