Алматыда Satbayev University базасында «Таза Қазақстан» бағдарламасы аясында алғашқы эко-хаб ашылды, деп хабарлайды aqshamnews.kz.
Жоба студенттерді қалдықтарды бөлек жинауға тартуға және экологиялық мәдениетті қалыптастыруға бағытталған. Студенттер пластикті қайта өңдеп, одан пайдалы заттар – сағаттар, салпыншақтар, жануарлар мүсінін жасай алады. Сонымен қатар, экологиялық білім беру бойынша шеберлік дәрістері ұйымдастырылады. Жобаның негізін қалаушы Евгений Мұхамеджанов студенттер қоғамдағы экологиялық өзгерістердің қозғаушы күші болатынына сенімді. Болашақта қаладағы басқа да жоғары оқу орындарында эко-хабтар ашу жоспарланып отыр.
«Біз жақын арада Алматының басқа университеттері де «Жасыл университет» бағдарламасына қатысуға өтінім береді деп сенеміз», – деді Евгений Мұхамеджанов.