Алматы қаласы Қоғамдық даму орталығының қолдауымен жобасы іске асырылып жатыр. Бұл жоба Қазақстанда отбасы институтының нығайтуға бағытталған маңызды әлеуметтік бастамалардың бірі саналады.
Жоба аясында отбасылық құндылықтарды дәріптеуге бағытталған диалог алаңы ұйымдастырылады. Оның мақсаты – қоғамдағы әке бейнесінің маңыздылығын талқылау, ұл балаларды тәрбиелеуде әкенің орны туралы ашық пікір алмасу, тәжірибе бөлісу. Іс-шараға қоғам белсенділері, отбасылық медиаторлар, сарапшылар мен жас отбасылар қатысты.
"Ата көрген оқ жонар" дейді, әке жолы – деген үлкен тәрбие. Одан тәрбие алған адамдар еш уақытта жаман болмайды. Әке мен шеше ешқашан жаман сөз айтпайды. Адам болсын, өсіп-өнсін дейді. Сондықтан жастардан сұрайтыным – көп нәрсеге еліктемей, әке сөзіне құлақ асқан жөн", - деді Қазақстанның еңбек сіңірген қайраткері, театр актері Бауыржан Қаптағай.
Айта кеткен жөн, "Әке жолы – ізгі жол" жобасы – отбасы мен қоғамның өзара байланысын нығайтуға, ұлттық тәрбие мен ұрпақтар сабақтастығын сақтауға бағытталған маңызды қадам. Диалог алаңы арқылы қоғам назарын әке рөлінің маңыздылығына аударып, жастардың бойында жауапкершілік пен отансүйгіштік қасиеттерін қалыптастыру көзделді.
"Тәрбиеге қатысты 50-ге жуық диссертация қорғалған. Бірақ тап осынымен жүрсең, бала тәрбиелеудің сырын білесің деген жауап жоқ. Телефонға табынған заманда балаға 5 минут көңіл бөлуді қалыс қалдырып бара жатырмыз. Баламен күнінен кішкене болса да, көңіл бөлмеу – осының дұрыс жолдан сәл болса да ауытқып кетуіне әсер етеді. Осыған назар салу керек. Әкенің айтқан сөзі әрдайым баланың жадында қалады", – деді қауымдастырылған профессор, ф.ғ. кандидаты Ерлан Қасен.