Жоба мақсаты - ұлы домбырашы, композитор Құрманғазы Сағырбайұлының мұрасын дәріптеу және Ұлы даланың Ұлы есімдерінің заманауи галереясын қалыптастыру.
Алматы қаласы қоғамдық даму басқармасының Қоғамдық даму орталығы «Open air: Құрманғазы» жобасын өткізеді, деп хабарлайды Almaty-akshamy.kz
Жоба аясында 7-8 маусым күндері ашық аспан астында «Айтыс» және «Күй тартыс» іс-шаралары өтеді.
Жоба қатысушылары - шығармашылық ЖОО-ның жастары, оның ішінде Құрманғазы атындағы Қазақ Ұлттық консерваториясы мен Т. Жүргенов атындағы Қазақ Ұлттық өнер академиясының жастары, сондай-ақ дәстүрлі музыка әуесқойлары.
Республикалық және халықаралық конкурсқа қатысқан орындаушылар өз өнерлерін ортаға салады.
Айтыс – ауыз әдебиетінде ертеден қалыптасқан поэтикалық жанр, ақындар айтысы, ауызша жыр поэзиясының бір түрі.
Айтыс 4 бағытта өтеді: «Қыз бен жігіт айтысы», «Қалжың айтыс», «Шоу айтыс», «Жұмбақ айтыс».
Күй тартыс – күйшілердің өзара музыкалық тілдесуі, заманауи тілмен айтқанда, үш түрлі форматтағы баттл:
- қазақ-қырғыз күй тартысы;
- жұптық күй тартыс;
- топтық күй тартыс.
Күні, уақыты, өтетін орны:
- Айтыс – 7 маусым сағ.15:00, «Mega Park» ойын-сауық орталығы, амфитеатр, Сейфуллин даңғылы, 483.
- Күй тартыс – 8 маусым сағ.15:00, «Құрманғазы атындағы Қазақ Ұлттық консерватория» алаңы, Абылай хан даңғылы, 88.
«Open air: Құрманғазы» іс-шаралары көрермендер үшін тегін.
Байланыс:
+7 747 463 0125
+7 777 135 5561
oztandauyn@gmail.com