Қозғалыстың негізгі міндеті - заң қоғамдастығының сайлау науқанының барысын құқықтық мониторингілеу және сайлау процесіне қатысушыларға сайлау заңнамасын қолдану тәртібін түсіндіру. Штабқа Қазақстанда және шетелде танымал заңгерлер кірді.
Өңірлік коммуникациялар қызметінің алаңында «Қазақстан заңгерлер одағы» Алматы филиалының төрағасы Бауыржан Мақұлбаевтың қатысуымен баспасөз конференциясы өтті. Ол сондай-ақ «Әділ сайлау үшін» қалалық штабын басқарады, деп хабарлайды Almaty-akshamy.kz.
Б. Мақұлбаевтың айтуынша, олар сайлау науқанының барысын мониторингтеу шеңберінде БАҚ-пен, үкіметтік емес және халықаралық ұйымдармен өзара іс-қимылды күшейтуге бағытталған.
Бауыржан Мақұлбаев алдағы президенттік сайлау тақырыбы бойынша сұрақтарға жауап берді. Президенттікке кандидаттарға қойылатын талаптар туралы айтып берді. Сондай-ақ, дауыс беруге қатысқан сайлаушылардың 50%-дан астам дауысын жинаған және қайта дауыс беру кезінде көбірек дауыс жинаған кандидат Республика Президенті болып саналатынын хабарлады.
«21 қыркүйекте Мемлекет басшысы Қасым-Жомарт Тоқаев Президенттің кезектен тыс сайлауын тағайындау туралы Жарлыққа қол қойды. Сайлау 2022 жылдың 20 қарашасында өтеді. Кезектен тыс президенттік сайлау Республика Президентінің шешімімен тағайындалады және олар тағайындалған күннен бастап екі ай ішінде өткізіледі», - деп еске салды ӨКҚ спикері.
Бауыржан Мақұлбаев ҚР-дағы сайлауларда қалай бақылаушы болатыны туралы әңгімелер айтты.
«ҚР азаматы бақылаушы болу үшін 18 жастан асқан және саяси партиялардан, өзге де қоғамдық бірлестіктерден, коммерциялық емес ұйымдардан бақылаушы өкілеттігі болуы керек», - деді спикер.
Сондай-ақ, Б.Мақұлбаев 20 қарашада жалпыхалықтық дауыс беру қорытындысы бойынша жеңіске жеткен кандидат 7 жыл мерзімге Қазақстанның келесі президенті болып сайланатынын айтты.
Сайлау науқаны 2022 жылғы 21 қазан сағат 18:00-де басталып, 2022 жылғы 19 қараша сағат 00:00-ге дейін 28 күнге созылады. Онымен қоса өзіндік талаптары бар. 19 қараша - үнсіздік күні болады.
«ҚР-дағы сайлау туралы" заңға сәйкес, сайлау күні және оның алдындағы күні кез келген сайлау алдындағы үгіт-насихатқа тыйым салынады. Сайлау алдындағы үгіт кандидаттарды тіркеу мерзімі аяқталған сәттен басталады және сайлау күнінің алдындағы күннің жергілікті уақыты бойынша нөл сағатта аяқталады.
Сайлау қорытындылары олар өткізілгеннен кейін жеті күн мерзімнен кешіктірілмей шығарылатын болады.