Алматыда “Жасөспірім және заң” жедел-профилактикалық іс-шарасы аясында балаларының түнгі уақытта сыртта жүргені үшін 89 ата-ана әкімшілік жауапкершілікке тартылды, деп хабарлайды aqshamnews.kz
Алматы қалалық ПД ювеналды полиция бөлімінің бастығы Жанна Шонжанованың айтуынша, іс-шараның алғашқы екі күнінде 128 жасөспірім полиция бөліміне жеткізілді, олардың 89-ы түнгі уақытта заңды өкілдерінсіз көшеде жүрген. Сондай-ақ, қараусыз қалған 14 бала кәмелетке толмағандарды бейімдеу орталығына орналастырылды.
Бұдан бөлек:
- 14 жасөспірім құқық бұзушы,
- 16 тұрмысы нашар отбасы анықталып, ішкі істер органдарының есебіне алынды.
Құқық бұзушылықтың алдын алу мақсатында қаланың білім беру ұйымдарында 98 дәріс пен семинар өткізілді. Алматы полициясы "мүлдем төзбеушілік" қағидаты негізінде жасөспірімдер арасындағы құқық бұзушылықтарды қатаң бақылауға алғанын мәлімдеді.