Алматыда екі жыл ішінде Ерболат Досаевтың тапсырмасы бойынша 500 шақырымнан астам атвосуару және тамшылатып суару желілері орнатылды
Алматыда жасыл желектерді көгалдандыру және оларға күтім жасауды жақсарту бойынша жүйелі жұмыс жалғасуда. Әкім Ерболат Досаевтың тапсырмасы бойынша екі жыл ішінде қалада 500 шақырымнан астам автосуару және тамшылатып суару желілері орнатылды.
2025 жылы тағы 290 шақырым автоматтандырылған суару жүйесін пайдалануға беру жоспарлануда, бұл миллион ағашқа күтім жасауға мүмкіндік береді. Бұл шешім қаланың тұрақты және салауатты жасыл инфрақұрылымын қалыптастырудың кешенді тәсілінің бір бөлігі болды.
Ағаш күтімінде заманауи технологияларды қолдану айтарлықтай нәтиже берді: егер 2022 жылы көшеттердің түсу деңгейі 30% болса, 2024 жылға қарай бұл көрсеткіш 10% - ға дейін төмендеді.
Сонымен қатар, бүгін Алматының жаңа дендрологиялық жоспары әзірленуде. Оның аясында ағаштардың ағымдағы жай-күйін бағалай отырып және екпелердің биологиялық тұрақтылығын арттыру бойынша нақты шаралар әзірлей отырып, қаланың жасыл қорына толық түгендеу жүргізілетін болады.
Суару жүйелерін кешенді жаңарту және көгалдандыруға ғылыми көзқарас жасыл аймақтар ландшафт элементіне ғана емес, өмір сапасының негізгі факторына айналатын жайлы және экологиялық таза қалалық ортаны құруға бағытталған.