Алматыда болашақта оны теңгерімді дамыту үшін инженерлік инфрақұрылымды елеулі жаңғырту қажет. Мұны Алматы әкімі Ерболат Досаев ОКҚ брифингінде атап өтті, деп хабарлайды almaty-akshamy.kz
"2023 жылы 2 электр қосалқы станциясы пайдалануға беріледі: маусым айында - "Алмагүл", ал желтоқсанда - "Тұздыбастау". 400 мыңға жуық тұрғын тұрақты электрмен жабдықталады. Ал 300 мың тұтынушыны жылумен қамтамасыз ету мақсатында қыркүйек айында жалпы қуаты 155 Гкал/сағ болатын 2 қазандық – "Оңтүстік аудандық қазандық" және "Премьера" қазандықтарын реконструкциялау аяқталады", - деді Ерболат Досаев.