Ағымдағы жылы Алматыда қала әкімінің тапсырмасы бойынша 70 көшеде 25 км жаңа жол салынды және 200 км жолға орташа жөндеу жүргізілді. Бұл туралы ОКҚ брифингінде БАҚ сұрақтарына жауап берген Ерболат Досаев мәлімдеді. Қала басшысы 2024 жылы қаланың 8 шағын ауданында 70 км жаңа жол салу және 250 км жолды орташа жөндеумен қамту жоспарланғанын айтты.
Ерболат Досаев журналистің әл-Фараби даңғылы мен Абай даңғылындағы жол жабынын орташа жөндеу туралы сұрағына да жауап берді. "Әл-Фараби және Абай даңғылдарында жол жамылғысын орташа жөндеу жұмыстары жүргізілді. Жұмыс сапасына шағымдар жоқ. Жөндеу аяқталғаннан кейін көлік ағыны көбейді". Бұған дейін ағымдағы жол жөндеу маусымында алғаш рет полимерлер қосылған асфальтбетон қоспасы пайдаланылғаны хабарланған болатын. Жол құрылысында полимерлерді пайдаланудың артықшылығы оның төзімділігі, сондай-ақ жол төсемінің қызмет ету мерзімін ұзарту, беріктікті нығайту және асфальтбетон төсемінің аязға төзімділігін арттыру болып табылады.
"2025 жылы Алматы қаласында жолдардың болмауына байланысты проблеманы жапқымыз келеді. Биыл 33 млрд теңге бөлінді, келесі жылы - 45 млрд теңге. Көлік инфрақұрылымын дамыту Алматы әкімдігі жұмысының маңызды басымдықтарының бірі болып табылады", - деді Ерболат Досаев.
Айта кетерлігі, Алматы қаласының көше-жол желісінің жалпы ұзындығы 3097 км құрайды, оның ішінде ағымдағы жылдың соңында 184 км қатты жабынсыз, ал жыл басында 209 км болды). Досаевтың айтуынша, осылайша жол төсеміне қатысты мәселе жабылады деп жоспарлануда.