Алматы қаласы бойынша Мемлекеттік кірістер департаменті тексеру іс-шаралары барысында контрафактілік темекі өнімдерінің заңсыз айналымын анықтады.
Кодтары жоқ және анықталмаған үлгі кодтары бар 18 603 қорап темекі табылды. Заңсыз өнімнің жалпы құны шамамен 17 млн. теңге, деп хабарлайды aqshamnews.kz.
Материалдар іс жүргізу шешімін қабылдау үшін Алматы қаласының сот органдарына жіберілді. Бұл бұзушылық үшін әкімшілік және қылмыстық жауапкершілік қарастырылған.
Тәркіленген акцизделетін өнім азаматтардың өмірі мен денсаулығына елеулі қауіп төндіреді. Департамент азаматтарды шығу тегі күмәнді темекі өнімдерін сатып алу кезінде сақ болуға шақырады.
Темекі өнімдеріне (сәйкестендіру құралдарына) салынған кодтардың түпнұсқалығын «NAQTY ONIM» мобильдік қосымшасының көмегімен тексеруге болады, акцизделетін өнімді заңсыз өткізудің барлық фактілері бойынша Алматы тұрғындары Алматы қаласы бойынша Мемлекеттік кірістер департаментіне Бөгенбай батыр көшесі, 132 мекенжайы бойынша немесе 8 708 765 38 22 телефоны бойынша хабарлай алады.