Ер баланың шашты, жүннен жасалған бұйымдарды, киізді шайнап, жұтатын жаман әдеті болған.
Алматылық хирургтар баланың асқазанынан 900 грамм шаш пен жүнді алып тастады деп хабарлайды, - деп хабарлайды Аlmaty-akshamy.kz Алматы қаласының №2 қалалық балалар клиникалық ауруханасының баспасөз қызметіне сілтеме жасап.
10 жастағы бала Алматының №2 Балалар қалалық клиникалық ауруханасына іші ауырып, құсып, әлсіз, мазасыз болып түскен. Анасы баланың аузына бөгде заттарды салатын әдеті бар екенін ескерткен. Компьютерлік томографияға түсірген соң асқазанда бөгде зат бары анықталды.
Оператор Марат Каптағаев, ассистент Азат Олжабаев және анестезиолог-реаниматолог Жандос Шолақов 90 минутқа созылған операцияны сәтті аяқтады, асқазан мен он екі елі ішектен трихобезоар алынды. Ер баланың асқазанында диаметрі 20 және 15 сантиметр, шырыш пен тамақ қоспасы бар 900 граммдық шаш пен жүн алынды. Ер баланың шаш, жүннен жасалған бұйымдарды, кілем, киіз шайнап, жұтатын жаман әдеті болған. Үйде бала кілемнің түгін жегені анықталды.
«Алматы қаласының № 2 БҚКА бас дәрігері Марат Рабандияровтың айтуынша, асқазан-ішек жолдарының трихобезоары - өте сирек кездесетін патология, бірақ қазіргі заманғы абдоминалды хирургияның өзекті мәселесі».
№2 балалар ауруханасының дәрігерлері безоардың ауыр және өмірге қауіп төндіретін асқынуларға әкелуі мүмкін екенін атап өтті.
«Ата-аналар балаларының патологиялық мінез-құлқына баса назар аударуы қажет. Жаман әдеттер болса, дереу мамандарға, психологтарға (психотерапевттерге), невропатологтарға, гастроэнтерологтарға жүгінген абзал».