Алматы қаласының ТЖД 112 пультіне тауда аяғын жарақаттап алған қызға көмек қажет екені туралы хабарлама түсті, деп хабарлайды Aqshamnews.kz тілшісі.
ТЖМ баспасөз қызметінің мәліметінше, 18 жастағы қыз төрт адамнан құралған топпен бірге Медеу ауданы аумағындағы Көк-Жайлау таулы өңірінде жүрген.
Ведомствоның хабарлауынша, құтқарушылардың жаяу көтерілуі бір сағаттан астам уақытқа созылып, күрделі ауа райында, қараңғы уақытта және тік жартасты еңістермен өткен. Зардап шегушіні тасымалдау кезінде ЦМК мамандары шұғыл медициналық көмек көрсеткен. Кейін турист қыз ауруханаға жеткізіліп, емдеуге жатқызылды.
Айта кетейік, Алматы құтқарушылары тауда жарақат алған туристерге бұған дейін де бірнеше рет көмекке келген. Соның бірі – 2025 жылғы қыркүйекте Іле Алатауы тауларында әйел адам жарақат алып, құтқарушылар оны түнде тауып, жедел жәрдем бригадасына жеткізген.