Жасанды көшкін кезінде көлемі 44 мың текше метр қар массасы тау етегіне түсті.
Алматы қалалық ТЖД баспасөз қызметінің мәліметінше, 16 наурыз Алматыдағы тауда жасанды қар көшкіні жүргізілді, деп хабарлайды Almaty-akshamy.kz
«Шымбұлақ-Тұйықсу» автожолы учаскесінің, демалушылар мен туристердің қауіпсіздігін қамтамасыз ету мақсатында "Қазгидромет" РМК ұсынымдары негізінде 16 наурыз күні "Қазселденқорғау" мамандарымен Кіші Алматы өзені бассейнінің «Эдельвейс» қар жинағыш аумағында қар түсіру жұмыстары жүргізілді»,- деп хабарлады Алматы қалалық ТЖД баспасөз қызметі.
Қазіргі таңда жүріп бара жатқан автокөлік пен тау туристеріне қауіп жоқ. Профилактикалық жұмыстардың жүйелі түрде жүргізілетінін атап өту қажет. Жыл басынан бері жалпы көлемі 35 мың текше метр қамтыған 7 профилактикалық қар түсіру жүргізіледі.
Естеріңізге сала кетейік, қала әкімдігінің қолдауымен Алматы қаласы ТЖ департаменті кіші және Үлкен Алматы өзендерінің бассейнінде көшкін қаупі мониторингінің автоматтандырылған жүйесін енгізу бойынша жұмыс жүргізуде. Бұл жүйе әрбір көшкін қаупі бар учаскелерге нақты уақыт режимінде мониторинг жүргізуге және тауларда барынша дәл және тиімді қауіпсіздік шараларын қабылдауға мүмкіндік береді. Жауын-шашын , қар жамылғысының тұрақсыз жағдайына байланысты үлкен және Кіші Алматы өзендерінің бассейндерінде 15-18 наурыз аралығында қар көшкіні жүруі мүмкін. Алматы қаласының тұрғындары мен қонақтарына тік қарлы беткейлерге шығудың қауіпті екендігі ескертілді.