Алматы облысының Іле-Алатау ұлттық паркіндегі табиғат қорғау аймағында 9 метрлік жаяу жүргіншілер көпірі салынды, деп хабарлайды aqshamnews.kz.
Бұл көпір Терра алаңына баратын туристік маршруттағы өзеннен өту үшін орнатылған. Жаңа құрылыс табиғат аясында серуендейтіндерге өзеннен қауіпсіз өту мүмкіндігін береді.
Сонымен қатар, биыл Іле-Алатау ұлттық паркінде үш жаңа кемпинг аймағы ашылды. Бұл аймақтар Кіші Алматы шатқалында (Альпенград), Титова көлі маңында және Терра алаңында орналасқан. Әрбір аймақта туристер үшін жеңіл кемпинг құрылымдары орнатылған, бұл туристерге табиғатқа жақын бола отырып, комфортты демалыс өткізу мүмкіндігін қамтамасыз етеді.