Алматы қаласында 95 мемлекеттік қызметшінің тынығу уақыттары қалпына келтірілді. Бұл шара мемлекеттік қызметкерлердің жұмыс уақыты режимін сақтау бойынша құқықтарын қорғауға бағытталған.
Жұмыс процесін оңтайландыру, еңбек тиімділігін арттыру және тапсырмаларды орындау мерзімдерін сақтау үшін жұмыс уақытын нақты жоспарлау және бақылау өте маңызды. Мемлекеттік қызметші жұмыс берушінің актілеріне сәйкес лауазымдық міндеттерін орындаған уақыт, сондай-ақ еңбек заңнамасына сәйкес жұмыс уақытына жатқызылған өзге де уақыт кезеңдерін жұмыс уақыты деп атайды. Жұмыс уақытын дұрыс ұйымдастыру басшыға да, қызметкерлерге де бірдей қажет.
Қазақстан Республикасының Мемлекеттік қызмет істері агенттігіне 2023 жылдың наурыз айында жұмыс уақыты режимінің сақталуын мониторингілеу бойынша құзырет беру жөніндегі заңнамалық түзетулер енгізілді. Бұл түзетулер жұмыс берушінің жұмыс уақыты режимін бұзғаны үшін жауапкершілігін қатаңдатуға арналған қажетті құрал болып табылады. Агенттік Төрағасының 2023 жылғы 29 мамырдағы №121 бұйрығымен Мемлекеттік органдардың жұмыс уақыты режимінің сақталуына мониторинг жүргізу қағидалары бекітілді.
Мониторинг мемлекеттік органға бармай-ақ тұрақты негізде жүзеге асырылады. Ақпараттық жүйелерде көрсетілген мәліметтер, уәкілетті органға не оның аумақтық бөлімшелеріне мемлекеттік органдар ұсынатын деректер, қолжетімділікті бақылау және басқару жүйесінің деректері, бұқаралық ақпарат құралдарында және әлеуметтік желілерде жарияланымдар бармай жұмыс уақыты режимінің сақталуына мониторинг жасау көзі болып табылады.
2024 жылдың 1 тоқсанында Агенттіктің Алматы қаласы бойынша департаменті 15 мемлекеттік органда жұмыс уақыты режимін сақтау мониторингі жүргізілді. Нәтижесінде 56 қызметкердің жұмыс уақыты режимін сақтау бойынша құқықтары бұзылған фактілері анықталды. Сонымен қатар, 95 мемлекеттік қызметшіге тынығу сағаттары берілді.
Агенттік мемлекеттік органдарда жұмыс уақыты режимін сақтау бойынша мониторингті жалғастырады. Бұл шара қызметкерлердің құқықтарын қорғауға және жұмыс берушілердің заңнаманы толық орындауына бағытталған. Мемлекеттік қызметшілердің құқықтары бұзылмауын қамтамасыз ету мақсатында осындай мониторингтер тұрақты негізде жүргізіліп тұрады.