Алматы қалалық мәслихатының депутаты Бейбіт Құсайынов кеңейтілген жиында қалада электр самокаттарын жалға беруді толықтай тоқтату бастамасын көтерді, - деп хабарлайды Aqshamnews.kz.
Депутаттың айтуынша, жалдау қызметі тек қауіпсіз пайдалану шарттары толық орындалғаннан кейін ғана қайта іске қосылуы тиіс.
Кейінгі кездері Алматыда самокат қауіпсіздігі мәселесі жиі талқыланып жүр. Тек бір күндік рейд барысында полиция 800-ден астам жол ережесін бұзу фактісін анықтап, 250-ден астам самокатты тәркілеген.
«Біз қалада электросамокаттар, мопедтер мен электробайктар мәселесін талқыладық. Бүгінде олардың қозғалысы нақты ережелермен реттелмеген: жылдамдық шектелмеген, тұрақтар ретсіз, ал көпшілік қолданушылар жол ережесін мүлде білмейді», – деп жазды Құсайынов