Алматы қаласы ҚАЖ департаментіне қарасты №11 мекемесіне Алматы қалалық адвокаттар алқасының мүшелері Витковская Светлана Владимировна, Сергеева Марина Николаевна, Қалықова Динара Серікқызы, Әміржанов Арлан Маратұлы, Қинаят Ерасыл Досжанұлы келіп, жазалы жасөпірімдерге тегін кеңес берді.
Олар Алматы қаласы адвокаттар алқасының 2007 жылдан бастап жұмыс істеп келе жатқанын атап өтті. Адвокаттық қызмет – адвокаттар жеке және заңды тұлғалардың құқықтарын, бостандықтары мен заңды мүдделерін қорғау және оларды іске асыруға жәрдемдесу мақсатын көздейді.
Иә, еліміздегі адвокатура адамның құқықтарын, бостандығын сот арқылы қорғауға және заң көмегiн алуға мемлекет кепiлдiк берген және Қазақстан Республикасының Конституциясында бекітілген құқықтарын іске асыруға жәрдемдесуге, сондай-ақ дауды бейбіт жолмен реттеуге жәрдемдесуге арналған.
Іс-шара соңында жазалы жасөспірімдер өздерін мазалап жүрген жеке сұрақтарын адвокаттарға қойып, жауаптарын алды.
– Алматы қалалық адвокаттар алқасы мүшелері және басқа да бала құқықтарымен айналысатын маман, сарапшылар еліміздегі жалғыз балалар колониясы болғандықтан біздің мекемеге осылай жиі келіп, бас бостандығынан айырылған жасөспірімдердің жағдайымен танысып, олардың құқықтарының бұзылмауын қадағалап, қажетті кеңестерін беріп отырады, – дейді №11 мекемесі САӘПТЖБ бастығы әділет подполковнигі Алма Бәзілбаева.