Әлеуметтік желілерге мониторинг жүргізу кезінде қоғамдық көлікте келе жатып тапанша көрсеткен ер адамның видеосы анықталды, деп хабарлайды aqshamnews.kz Polisia.kz-ке сілтеме жасап.
Жедел әрекет ету барысында оқиғаға қатысы бар адамның жеке басы анықталды. Күдікті ұсталып, полицияға жеткізілді. Ер адам күзетші болып жұмыс істейтінін, ойыншық қаруды қала базарларының бірінен сатып алғанын айтты. Тергеу жалғасып жатыр. Күдіктінің әрекетіне құқықтық баға берілетін болады.