Қала мектептеріне 14 мың 866 бейнебақылау камералары орнатылған.
Алматы полициясы мектептегі балалардың қауіпсіздігі туралы айтты, – деп хабарлайды aqshamnews.kz Polisia.kz-ке сілтеме жасап.
Жергілікті полиция қызметінің хабарлауынша, жалпы білім беретін мектептерде оқушылардың қауіпсіздігін қамтамасыз етумен 30 жеке күзет ұйымы айналысады, олардың қызметін департамент қадағалап, бақылайды.
Балалардың қауіпсіздігін қадағалау үшін қала мектептеріне 14 мың 866 бейнебақылау камералары орнатылып, ПД жедел басқару орталығына шығарылған. Сондай-ақ бөлімде жыл басынан бері кәмелетке толмағандар арасындағы қылмыстың 4,2%-ға төмендегенін атап өтті.
Арнайы комиссиялардың отырыстарында кәмелетке толмағандардың мүддесі үшін әртүрлі деректер бойынша 326 материал қаралып, оның шешімімен 40 ата-анаға ата-ана құқығынан айыру түріндегі шара қолданылды, тағы 1 мың 337 ата-ана балаларды тәрбиелеу жөніндегі міндеттерді тиісінше орындамағаны үшін әкімшілік жауапкершілікке тартылды.