Құрметті Алматы қаласының тұрғындары мен қонақтары!
30 мамыр мен 6 маусым аралығында Алматыда бірқатар халықаралық іс-шаралар өтеді, деп хабарлайды Almaty-akshamy.kz Алматы қ. Полиция департаментіне сілтеме жасап.
- Ағымдағы жылдың 30-31 мамыры Алматыда ҰҚШҰ-ға мүше мемлекеттердің Қорғаныс министрлері Кеңесінің отырысы өтеді.
- Биылғы жылдың 2-3 маусымы Алматыда ҰҚШҰ Парламенттік Ассамблеясы Кеңесінің отырысы өтеді.
- Осы жылдың 5-6 маусымы Алматыда ҰҚШҰ Қауіпсіздік кеңестері хатшылары Комитетінің отырысы өтеді.
Осыған байланысты, іс-шаралардың ауқымын, сондай-ақ қатысушылар мен қонақтардың санын ескере отырып, Алматы қалалық полиция Департаменті көлік қозғалысына ішінара шектеу қойылғаны туралы хабарлайды.
Айта кету керек, жол шектеулері қоғамдық көліктерге әсер етпейді.
Біз азаматтардан уақытша шараларға түсіністікпен қарауды және кептелістерді болдырмау үшін алдын ала бағыттарын реттеуді сұраймыз.