Алматы қаласының Бостандық ауданында арнайы операция жүргізіліп, түнде 20-дан астам көңіл көтеру орындары тексерілді, деп хабарлайды aqshamnews.kz
Демалыс күндері барлар, кафелер мен клубтарда кальянды пайдалану фактілерін анықтау мақсатында тексерулер жүргізілді. Нәтижесінде 54 жеке тұлға мен 25 заңды тұлға темекі өнімдерін пайдалану тыйымын бұзғаны үшін жауапқа тартылды.
Тәркіленген заттар қатарына қыздырылатын темекі өнімдері, темекі қоспалары, темекі қыздыру жүйелері мен электронды жүйелерге арналған сұйықтықтар да кіреді. Барлығы 30-дан астам кальян аппараты тәркіленді.