Алматы қаласының №15 емханасының дәрігері Мөлдір Әкімжан Өңірлік коммуникациялар қызметінің баспасөз конференциясында биылғы жылы балалар мутацияланған «дельта»-нұсқаның пайда болуына байланысты коронавируспен жиі ауыра бастағанын атап өтті деп хабарлайды almaty-akshamy.kz
Санитарлық-эпидемиологиялық бақылау департаментінің мәліметінше, өткен жылы Алматыда 281 оқушы жұқтырған, бұл көрсеткіш 15 039-ға жетті. Көптеген жағдайларда инфекция жұқтыру отбасыларда орын алады – 22% жағдай.
- Балалар ересектерге, қарттарға вирус жұқтырады, олар үшін вирус өте қауіпті. Сондай-ақ, кез-келген инфекция бір жасқа дейінгі сәбилерге қауіп төндіреді. Сондықтан, егер отбасында кішкентай бала болса, оны айналасындағылардың бәрі COVID-19-ға қарсы егілгені жөн. Коронавирус балаларда жиі ауыр болатынын түсіну керек. Пандемия басталғаннан бері әлемде 9 мың бала қайтыс болды, - деді дәрігер.
Педиатр балаларда постковидтік синдром ересектерде сияқты жүреді деп қосты. Ауру кезінде кейбір балаларда асқынулар болуы мүмкін, мысалы, көп жүйелі қабыну синдромы, ұзаққа созылған жоғары температура.
Дәрігер вакциналанған адамдардың саны неғұрлым көп болса, вирустың таралуы мен мутация ықтималдығы аз болатындығына сенімді. «Дельта» - балаларға бастапқы «Ухань» вирусына қарағанда жиі шабуыл жасайды.
Мөлдір Әкімжан созылмалы аурулары бар балаларды вакциналау өте маңызды екенін айтты.
Бүгінде Қоғамдық денсаулық басқармасының мәліметінше, Алматыда 2 947 жасөспірім вакциналанды.