Облыстың таулы аудандарында температура жоғарылап, салдарынан мұздықтар қарқынды еріп, мореналық-мұздық көлдері толады. Өзен арналарындағы ағынның жоғарылауы есебінен күрделі сел жағдайы сақталып отыр. Сондай-ақ Алматы облысының әкімдігі, Талғар ауданының тұрғындарына Талғар өзенінің бассейніндегі №19 көл қазіргі көлдің солтүстік және солтүстік-шығыс бөлігінде жиналған су жағалауды жырып ағуы ықтимал екенін айтады, деп хабарлайды aqshamnews.kz.
«Сол себепті қауіп төндіруі мүмкін. Фондық бағалау әдістемесіне сүйене отырып сел ағындарын болжау бойынша мұздық көлдің серпілісі ағымдағы жылдың 6 тамызынан бастап болуы мүмкін. Осыған байланысты ауданның тұрғындары, қонақтары және демалушылар мен туристер Талғар қаласының басында орналасқан гиротехникалық қондырғыдан асып тауға, демалыс орындарға шығуға тыйым салынады», - делінген хабарламада.
Әкімдік Талғар өзені арнасына жақын орналасқан тұрғын үй иелеріне және жергілікті халыққа үнемі әлеуметтік желілерді, теледидиар және радиобайланыс желілеріне, электросиреналардың қосылуы кезінде мұқият тыңдап, құлақ түруге шақырады.