Алматы облысында теңіз деңгейінен 3010 метр биіктіктегі Букреев шыңы маңында жарақат алған қызды құтқарушылар тікұшақпен эвакуациялады, – деп хабарлайды aqshamnews.kz тілшісі.
ТЖМ мәліметінше, алдын ала ақпарат бойынша, қыз жардан құлап, басынан жарақат алған. Ол өздігінен қозғала алмаған. Құтқарушылар келгенге дейін алғашқы медициналық көмекті оқиға куәгері көрсеткен.
Құтқару операциясына ТЖМ-нің «Барыс» республикалық жедел-құтқару жасағының мамандары, Алматы қаласы ТЖД Құтқару қызметі және «Қазавиақұтқару» АҚ-ның тікұшағы жұмылдырылды.
Эвакуациядан кейін зардап шеккен қыз «Медеу» тікұшақ алаңына жеткізіліп, ТЖМ Апаттар медицинасы орталығының дәрігерлеріне тапсырылды.