Екі табаны жарақаттанған
Қазір аң Алматыдағы хайуанаттар бағында бір айға карантинге жабылған. Ешкімнің кіруіне рұқсат жоқ. Ветеринарлардың айтуынша, қар барысы шамамен бір жарым, екі жаста. Анығы зертханалық сараптамадан кейін белгілі болады, деп хабарлайды Almaty-akshamy.kz.
Оған қоса аң жұқпалы ауруларға тексеріледі. Жабайы жыртқышты 19 наурыз күні Нарынқол ауданына қарасты Сарыбастау ауылының малшылары көріп хабар берген. Кейін жыртқыш Алматыға жеткізілді. Еліміз бойынша 200-ге жуық қар барысы бар. Сирек кездесетін аң Қызыл кітапқа енген, деп хабарлады "Хабар-24".
"Қазір жағдайы жаман емес. Тек әлсіреп қалған болуы керек. Екі табаны жарақаттанған. Оған қорқатын ештеңе жоқ. Жыртқыш аңдарда ондай болып тұрады. Тез жазылып кетеді. Толық тексерістен өтеді. Егер барлығы жақсы болса, жабайы табиғатқа жіберіледі. Әрине, қар барысының түзде тау басында жүргеніне не жетсін", - дейді ветеринар Виталий Сачков.
19 сәуірде Сарыбастау ауылының тұрғыны мал жайып жүріп, әлсіреп жатқан барысты тауып алғаны хабарлаған болатын.