Алматы облысында өткен жылдың қазан айынан бері 16 жастағы студент із-түссіз жоғалып кетті, деп хабарлайды Aqshamnews.kz тілшісі.
16 жастағы Щербинин Денис Валерьевич (т. 13.12.2009) 2025 жылғы 2 қазанда шамамен сағат 15:00-де Еңбекшіқазақ ауданы, Қаракемер ауылы, Орымбетова көшесі, 85 үйдегі кәсіби колледжден шығып кеткеннен кейін табылмаған.
LIDER.KZ еріктілер Instagram парақшасында жасөспірімге іздеу хабарламасын жариялады.
Оның бойы 170–175 см, арықтау денелі, шашы қара. Сол күні ол қара-көк куртка, сұр кенгуру стиліндегі свитер, қара шалбар киіп жүрген.
Полиция мен еріктілер жоғалған жасөспірімді іздеуді жалғастырып жатыр.