«Райымбек», «Жібек Жолы», «Алмалы», «Абай», «Байқоңыр», «М. Әуезов атындағы Театр» және «Алатау» станцияларында интернет пен ұялы байланыс жұмыс істей бастады. Қазіргі уақытта тағы төрт станцияны қосу үшін техникалық жұмыстар жүргізілуде.
Бұл жаңашылдық жолаушыларға барлық телеком қызметтерін пайдалануға мүмкіндік береді: қоңыраулар жасау, хабарламалар жіберу және сандық қызметтерді қолдану.
«Қазіргі таңда базалық станцияларды орнату жұмыстарын Кселл компаниясы жүргізіп жатыр. Алдағы уақытта метрополитен мамандары барлық ұялы байланыс операторларын тартуды жоспарлап отыр. Біз қазіргі әлемде байланыста болудың қаншалықты маңызды екенін түсінеміз және жолаушыларымызға сапалы және ыңғайлы қызметтер ұсыну үшін бар күшімізді салудамыз», — деп атап өтті метрополитеннің баспасөз қызметі.