Оқу-жаттығу кезінде метро пойыздарының қозғалыс кестесіне ешқандай шектеулер енгізілмеді.
Іс-шараның мақсаты – келіссөз жүргізу дағдыларын жетілдіру, кепілге алынған адамдарды босату және қылмыскерлерді залалсыздандыру бойынша арнайы операция өткізу, деп хабарлайды aqshamnews.kz.
Сонымен қатар, көлік инфрақұрылымы нысанының терроризмге қарсы қорғалу жүйесі мен ықтимал дағдарыстық жағдайларға ден қою мүмкіндігі тексерілді.
Жалпы, өткізілген оқу-жаттығу шарасы террорлық қауіп төнген жағдайда қойылған міндеттерді сапалы орындауға және мамандардың кәсіби дайындығын арттыруға оң әсерін тигізді.