Алматы қаласы Білім басқармасының Қалалық білім берудегі жаңа технологиялардың ғылыми-әдістемелік орталығы Bonduelle Kazakhstan компаниясымен бірлесіп, дұрыс тамақтануға арналған «Дәм туралы талас / О вкусах спорят» атты жаңа әлеуметтік жобаны іске қосты.
Осы жоба шеңберінде Алматы мектептері «Көкөніс айын» өткізуде. Оның мақсаты – балаларға дұрыс тамақтану әдеттерін және көкөністердің пайдасы туралы айту. Бастауыш сынып оқушылары дұрыс тамақтану туралы көптеген қызықты тапсырмаларды орындау арқылы көкөністердің дәмін, қажеттілігін, тиімділігін біледі.
Иә, бастауыш сынып оқушыларының денсаулығын нығайтуға ықпалы мол жоба шеңберінде қаладағы №52 жалпы білім беретін мектептің 3-сынып оқушыларына бірегей сабақ өткізілді. Сабақта оқушылар көкөністердің адам ағзасына пайдасы туралы жан-жақты танысып, білімдерін бекітті. «Дәм туралы талас / О вкусах спорят» жоба үйлестірушілері іс-шараға қатысып, оқушыларға естелік сыйлақтар беріп, белсенділік танытқан өрендерге “Мақтау қағазымен” марапаттады.