Аталған мәселе бойынша зауыттың директорлар кеңесінің төрағасы Шухрад Шардинов атом электр станциясының құрылысы еліміздің энергетикалық тәуелсіздігін қамтамасыз етудегі маңызды қадам екенін атап өтті, деп хабарлайды aqshamnews.kz
- АЭС құрылысы не? Бұл біз үшін, яғни өндірісшілер үшін, өз нысанымызды дамытудағы қуатты серпін. Біз бәріміз АЭС құрылысы – еліміздің энергетикалық қауіпсіздігі, электр энергиясымен қамтамасыз ету, жаңа жұмыс орындарын ашу, жаңа кәсіпорындар мен өндірістер салу екенін жақсы түсінеміз, – деп атап өтті зауыт басшысы.
Шухрад Шардиновтың айтуынша, ұлттық жобаның мақсаты – елдің тұрақты және сенімді энергиямен қамтамасыз етуіне барынша мүмкіндіктер қарастыру. Атом электр станциясы Қазақстанның ұзақ мерзімді энергетикалық даму стратегиясындағы маңызды элемент бола алады және экономиканың қарқынды өсіп келе жатқан қажеттіліктерін қанағаттандыруы мүмкін. Бастаманың ауқымын түсіне отырып, АЗМК-ның еңбек ұжымы өндіріс алаңында жиналып, бұл мәселеде өздерінің бірлігін көрсетті.
- Біз барлық қазақстандықтарды 6 қазанда өтетін референдумға келіп, еліміздің аумағында АЭС салуды қолдауға шақырамыз, – деді Шухрад Шардинов.
