Алматы көлік және коммуникациялар колледжінде педагогикалық ұжыммен Конституциялық реформа мәселелері бойынша ақпараттық-түсіндіру жұмысы өткізілді.
Іс-шараға оқытушылар мен өндірістік оқыту шеберлері қатысты.
Кездесудің негізгі мақсаты – конституциялық реформаның негізгі бағыттарын түсіндіру, құқықтық мемлекет қағидаттарын нығайту, азаматтардың шешім қабылдау үдерісіне қатысуын кеңейту және мемлекеттік институттардың жауапкершілігін арттыру мәселелерін талқылау болды.
Кездесу барысында қатысушыларға конституциялық реформаның мәні мен маңызы, оның қоғам мен мемлекет дамуына әсері туралы жан-жақты ақпарат берілді. Реформалардың демократиялық қағидаттарды нығайтуға, заң үстемдігін қамтамасыз етуге және азаматтардың құқықтары мен бостандықтарын қорғауға бағытталғаны атап өтілді.
Талқылау барысында келесі мәселелер қарастырылды:
· азаматтардың мемлекеттік маңызы бар шешімдер қабылдауға қатысу мүмкіндіктерін кеңейту;
· билік тармақтары арасындағы тепе-теңдік жүйесін жетілдіру;
· адам құқықтары мен бостандықтарының кепілдіктерін күшейту;
· «Заң және Тәртіп» қағидатын орнықтыру.
Колледж директоры Магазов Ербол Джаруллаевич өз сөзінде конституциялық реформаның мемлекет дамуының стратегиялық бағыты екенін атап өтті. Ол педагогтердің құқықтық мәдениетті қалыптастырудағы, білім алушылардың азаматтық жауапкершілігін арттырудағы рөлінің ерекше маңызға ие екенін айтты.
Іс-шара соңында қатысушылар пікір алмасып, құқықтық сауаттылықты арттыруға бағытталған мұндай кездесулердің маңыздылығын атап өтті.
Еске салайық, Мемлекет басшысы қол қойған жарлыққа сәйкес, 2026 жылғы 15 наурызда Конституциялық реформаларды қабылдау бойынша республикалық референдум өткiзіледі.