Инженерлік желілерді жаңғырту неден басталады?
«Алматы жылу желілері» ЖШС Кіші Сайын көшесінде алуа аумағы арқылы (Ұлықбек даңғылы мен Шаляпин көшесі арасында) өтетін жылумен жабдықтау желілерін алдағы уақыттағы қайта құру туралы хабарлайды. Қайта құрудың мақсаты – М-8 қалалық жылу магистралінің физикалық тозуына байланысты ресурсын қалпына келтіру және жұмысын жақсарту. Бұл жылу магистралі 1991 жылы пайдалануға берілді.
Бұл жылу трассасын ауыстыру 212 көппәтерлі тұрғын үйді, 39 жеке тұрғын үйді, 2 мектеп пен 1 балабақшаны, 1 емхананы және 36 өзге де нысанды сапалы әрі үздіксіз жылумен қамтамасыз етуге мүмкіндік береді.
Бұрын төселген жылу трассасында ағаштар мен жасыл желектердің болуына байланысты жобада инженерлік дәлізге балама болмағандықтан, кесілген ағаштар мен бұталардың орнына жаңасы отырғызылады.
Жүргізілген түгендеу мен орман-патологиялық зерттеуге сәйкес, кесілуге тиіс ағаштарды сақтау мүмкін емес, өйткені қайта отырғызу кезінде тамырланып, өсіп кетпейді.
Жылу желілерін қайта құру учаскесінде барлығы 310-ға жуық ағаш және 101 бұта бар, оның ішінде:
- отырғызу үшін 116 ағаш пен 90 бұта жоспарланған, олардың ішінде: шаған, ақ акация, қайың, шырша және басқалар;
- сақтау үшін - 17 ағаш және 10 бұта.
- 177 ағаш пен 1 бұта кесіледі.
Құрылыс жұмыстарын жүргізу кезінде осы учаскеде сақталуға тиіс барлық жасыл желек қоршаумен қорғалады.
Қаланың экожүйесін нығайту үшін қайта құруды жүзеге асыратын «АлматыИнжСтрой» АҚ мердігерлік ұйымы арнайы таңдалған учаскелерде кесілген ағаштардың орнына жаңа ағаштар (1770) отырғызады.
Сайын көшесінің бойында Ұлықбек көшесінен Шаляпин көшесіне дейін 116 ағаш пен 90 бұта қайта отырғызылды. Ол бүр жарғанға дейін тамырланып кетеді: осы кезде ағаштар стресске аз ұшырайды, жапырақтары гүлдегенге дейін жасыл желектерді отырғызу өмір сүру деңгейі ең оңтайлы нұсқа болып табылады. Сарапшылар қазір ағаштар тіршілік етуін тоқтатқанын, бүр жарғанға дейін оларда шырын ағыны болмайтынын атап өтті. Өсімдіктерді отырғызу бойынша барлық жұмыс Алматы қаласы экология және қоршаған орта Басқармасының тұрақты бақылауында болады. Қаланың экология және қоршаған орта басқармасының мәліметінше, 2024 жылы Алматыда 320 мың жасыл желек отырғызу жоспарланған.
«Алматы жылу желілері» ЖШС ақпараты бойынша, жүргізіліп жатқан реконструкция – бұл болашақта сенімді және тиімді жылумен жабдықтауды қамтамасыз етуге бағытталған маңызды іс-шара, өйткені бұл құбыр 25 жылдан астам уақыт бойы пайдаланылып келеді.
«Алматы жылу желілері» ЖШС алдағы инженерлік желілерді жаңғыртуға түсіністікпен қарауды сұрайды.