Алматы қалалық санитарлық-эпидемиологиялық бақылау департаментінің басшысы Жандарбек Бекшин Өңірлік коммуникациялар қызметінің брифингінде Алматыда КВИ жағдайы туралы соңғы деректерді жариялады, деп хабарлайды almaty-akshamy.kz
Қаланың бас санитарлық дәрігерінің айтуынша, Алматыда соңғы аптада КВИ бойынша эпидемиологиялық ахуалдың тәуліктік тіркеуі 1,6 мыңға жетті. 28 шілдеден бастап аурудың тәуліктік тіркеуі 1,5 есеге өсті. Шілдеде ауырғандар 25 544-ге жетті. Жалпы жыл басынан бері 89 035 адам тіркелді.
«Өткен аптада, алдыңғы кезеңмен салыстырғанда, КВИ жағдайларының тіркелуі 1,5 есеге - 8 393-тен 12 432 жағдайға дейін өсті, бірақ өткен күндермен салыстырғанда тәуліктік өсім 1,7%-дан 1,4%-ға дейін төмендеді. R- саны - 1,2-ден 1,07-ге дейін», - деді Ж.Бекшин.
Алматы қаласының СЭБД басшысы 8-20-маусым аралығында эпидемияның үшінші толқынынан кейін, «британдық» COVID-19 нұсқасының пайда болғанын, 20 шілдеден кейін эпидемияның төртінші толқынының басталғанын атап өтті. Ол іс жүзінде ағымдағы жылдың 30 шілдесінен бастап күніне шамамен 1,5-1,6 мың жағдай тіркелуде. КВИ жағдайлары бойынша апталық тіркеудің өсуі тамыз айының соңына қарай төмендеуі мүмкін деп болжанады.