Қала тұрғындарына ескерту: уақытты алдын ала жоспарлаңыз
Алматы әуежайы өкілдері қала тұрғындары мен жолаушылардан әуежайға барар кезде жолдағы уақытты алдын ала есепке алып, жөндеу жұмыстары ескерілетіндей етіп сапарларын жоспарлауды сұрайды.
«Құрметті жолаушылар! Жөндеу жұмыстарына байланысты көлік қозғалысы уақытша баяу жүруі мүмкін. Осыған байланысты рейстерге кешігудің алдын алу үшін әуежайға ертерек келуді ұсынамыз», – делінген ресми хабарламада.
Жөндеу жұмыстары қашан аяқталады?
Жоспар бойынша жөндеу жұмыстары 2025 жылдың 1 қыркүйегіне дейін жалғасады. Осы уақыт аралығында жолаушылар мен әуежай қонақтарына қолайсыздықтар болуы мүмкін, алайда бұл шаралар әуежай инфрақұрылымын жақсарту мақсатында жүргізілуде.
Айта кетейік, бұл жұмыстар терминал қауіпсіздігін күшейту мен өрт қауіпсіздігі жүйелерін жаңғырту бойынша кешенді жобаның бір бөлігі болып табылады.
Алматы халықаралық әуежайындағы жөндеу жұмыстары жолаушылар қауіпсіздігі мен қызмет сапасын арттыруды көздейді. Дегенмен, құрылыс жүріп жатқан кезеңде қала тұрғындары мен қонақтарынан сабырлық танытып, сапарларын алдын ала жоспарлау сұралады.